Сак булыгыз: тәнгә талпаннар кадала һәм тычкан бизгәге котырган чак!

Чаллыда талпан тешләүдән интегүчеләр һәм тычкан бизгәге белән авыручылар саны кинәт кенә арткан.Узган атнада Роспотребнадзорның территориаль бүлеге талпан кадалуның 61 очрагын теркәгән. Майның беренче җылы көннәрендә генә дә талпан кадалган 15 кешене ашыгыч ярдәм хастаханәсенә алып киләләр. Ярый талпаннар энцелафет йогышлы авырулы булмыйлар. Кешеләр урманнарда, бакчаларда эшләп талпаннарның үзләренә кадалуын белмиләр дә.

Тычкан бизгәге дә язын бакчаларга баргач, кыш буе тузан кунган өйләрне, корылмаларны җыештырганда тузан белән организмга эләгә торган авыру. Атна эчендә 5 чаллылы шушы бизгәкне йоктырып хастаханәләргә китерелгәннәр. Бу екуркыныч авыру бөерләрне, үпкә-тын юлларын, бавырны зарарлый. Шуңа күрә җыештыру эшләрен башкарганда табиблар сак булырга,авыз-борыннарны битлек белән капларга кирәклекне искәртәләр.