Сайлаулар 22 округта үтә

Чаллыда 13 сентябрьдә шәһәр советына депутатлар сайлау 22 округта була. 45 депутатның 23е партия исемлегеннән, ә 22се бер мандатлы округлардан сайлана. Үзәк район территориаль сайлау комиссиясе рәисе Азат Фәтхетдинов әйтүенчә, Комсомол районында - 6, Үзәк районда - 9, Автозавод районында 7 округ. Чаллыда барлыгы 398 мең сайлаучы, һәр округка уртача 18 108әр кеше туры килә. Быел, округларга номерлар гына түгел, Мирный, Заречный, Парковый кебек исемнәр дә бирелә.