Социаль ипотека дәвам итә

Сидоровка бистәсендә күп катлы торак йорт төзү өчен җир участогы бүленде. Гомуми мәйданы 9,3 мең кв. метр тәшкил иткән әлеге участок Александр Грин исемендәге урамда, С-6 торак йорты җирлегендә урнашкан.

Халык тыңлаулары вакытында шулай ук шәһәрдәге башка җирләрне дә социаль ипотека йортлары төзү өчен куллану мөмкинлеге каралды. Әлеге участоклар түбәндәге адреслар буенча урнашкан: 68нче микрорайон (Дулкын урамы), Суар торак районы (Н.Кашаев исемендәге урам), сәнәгать-коммуналь зонасы (Моторная урамы), Гренада паркы районы (Машиностроительная урамы), 60нчы микрорайонда (60/13 йорты янында). Бу яңалыклар социаль ипотека программасында чират көтүче яшь гаиләләрне куандырмый калмас. Ә төзүгә килгәндә, бик тиз сафка баса бүгенге йортлар.