Урамнар якты булыр

Бүгенге көндә Чаллыда караңгы вакытта 30 километр урам яктыртылмаган. Болар Җиңүнең 40 еллыгы, Галиәскар Камал урамнары, Йорт төзүчеләр бульвары, 50 нче һәм 48 нче бистәләр. Яктырткычларны урнаштыру өчен шәһәр казнасыннан 30 миллион акча бүлеп бирелә, шуларның 20 миллионы яктырту җайланмаларын сатып алу өчен булса, 10 миллионы искергәннәрен төзекләндерү өчен. Чаллыда ишегалларын яктыртылыш 96% кына. Шәһәрне тулысынча яктырту җиһазлары белән тәэмин итү һәм аларга хезмәт күрсәтү өчен 60 миллион сум акча кирәк.