Ветераннарга хөрмәт

Чаллыда Бөек Җиңүнең 72 еллыгына әзерлек бар куәтенә бара. Бүгенге көндә шәһәрдә 2964 сугыш һәм тыл ветераны яши. Җирле хакимият аларга бәйрәм уңаеннан бүләкләр әзерли. Шулай ук шәһәр хакиме Наил Мәһдиев оешмаларга һәм предприятиеләргә, районнар башкарма комитетларына ветераннарны хөрмәтләүдә акчаны жәлләмәскә кушты. Матди бүләкләрдән тыш Чаллы ветераннарының төзекләндерү таләп ителгән фатирларына ремонтлар да ясалачак, аларны төрле очрашуларга, сыйлы мәҗлесләргә дәшәчәкләр. Ә инде Бөек Җиңү бәйрәме көнне узачак төп чарага һәр ветеран аерым чакыру алачак.