Күбесе автобусны сайлады.
Узган ел Чаллы җәмәгать транспортында 45 миллионнан артык пассажир йөртелгән. Трамвайлардан 11 миллионнан артык, ә автобуслардан 34 миллионнан артык кеше файдаланган. Бу хакта дүшәмбе киңәшмәсендә мэр Наил Мәһдиев хәбәр итте һәм коллективны Автомобильчеләр көне белән котлады. Сүз уңаеннан «Шәһәр транспорты» муниципаль предприятиесендә 1100 дән артык кеше эшли.
«Шәһәр җәмәгать транспортын үстерү буенча зур планнарыбыз бар. Без ТР Рәисе Рөстәм Миңнеханов ярдәме белән трамвай паркын яңарту буенча актив эшлибез. Автобуслар сатып алу буенча мәсьәлә хәл ителде», – диде мэр.
Нет комментариев