Чаллы паркларын тәүлек буе саклаячаклар

Шәһәребезнең иҗтимагый киңлекләрендә түлек буе эшли торган сак пунктлары барлыкка киләчәк. Марат Бибишев исемендәге паркта, Шишкин, Тинчурин һәм Энтузиастлар бульварында мондый павильоннар эшли инде. «Азатлык» мәйданында да мондый пункт булыр дип көтелә. «Мәдәният һәм ял паркы» МУПы директоры Илья Черкашин әйтүенчә, мондый пунктлар вандалларга каршы тору өчен куела. Бу павильоннар предприятие балансына күчерелгән, аннары хезмәткәрләр эшкә алыначак. Әлегә барлык объектларда да видеокамералар эшли.

Фото шәһәр сайтыннан

Зөлфия ИСЛӘЙЛЕ