Яшьләр туздыра, әбиләр җыештыра

Газета битләрендә «Әйтим әле!» сәхифәсе чыга. Без шәһәрдәшләрне борчыган сорауларны, үтенечләрне тыңлыйбыз. Үз чиратыбызда аларга җаваплар да эзлибез, хәл итү мөмкинлеге турында аңлатабыз. 

Фәрит Садыйков:

"Урамнарда чүп урналары җитәрлек булса да, яшьләр, мәктәп укучылары чүп-чарны урамга, паркларга ташлыйлар. Кулга тоткан чүпне махсус савытка салу шулкадәр авыр микәнни?! Балалар мәйданчыгында малайлар пыяла шешәләрне ватып уйныйлар. Берәрсенең күзенә пыяла керсә? Нигә ата-аналар балаларын тәртипле булырга, гади генә кагыйдәләргә өйрәтмиләр икән. Урамнарыбызны лаеклы ялдагы әби-апалар җыештырып йөри. Алар буыны китеп барса, чүп-чарга, пычракка батарбыз. Аллаһ сакласын".

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).