Россия башкаласында яшәүчеләрнең аерым төркемнәре өчен коронавирустан мәҗбүри вакцинация ясау турында онлайн-тавыш бирү була.
Мәскәү Иҗтимагый палатасы рәисе урынбасары Һәм “Эхо Москвы” радиостанциясенең баш мөхәррире Алексей Венедиктов Telegram-каналында хәбәр итте.
Тавыш бирү 29-30 июльдә дәүләт хезмәтләре күрсәтү федераль порталында узачак. “100 мең чамасы кеше тавыш бирер дип өметләнәм”, -ди Венедиктов.
Мәскәү Кулланучы хокукларын яклау һәм кеше иминлеге өлкәсендә күзәтчелек федераль хезмәте башлыгы Елена Андрееваның июнь аенда чыгарган карары нигезендә, 15 июльгә кадәр “контактлы” һөнәр вәкилләренең кимендә 60%ы коронавирустан вакцинация узарга тиеш.
Соңрак Мәскәү өлкәсендә дә, шулай ук башка төбәкләрдә дә оешма хезмәткәрләренең бер өлешен мәҗбүри вакцинацияләүне керттеләр.
Искәртеп үтәбез Россия Премьер-министры Михаил Мишустин коллектив иммунитетны 60%тан 80-90%ка кадәр күтәрү бурычын куйган иде.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев