1 апрельдән шәһәрдә санитар-экологик икеайлык башлана

Моннан тыш, шәһәрне иске резин көпчәкләрдән чистарту да планлаштырыла.

Бу турыда аппарат киңәшмәсендә Башкарма комитет җитәкчесенең беренче урынбасары Илья Зуев хәбәр итте. Аның әйтүенчә, әлеге мөмкинлек «Кама» сәүдә һәм шина үзәкләре белән килешүләр төзү нигезендә барлыкка килгән. 

 Шәһәрдә ташландык тәгәрмәчләрне һәм көпчәкләрне (покрышкалар) бу эшчәнлекнең координаторына — Чаллы торак-коммуналь хуҗалыгы идарәсенә бушлай тапшырырга мөмкин булачак. Урамда һәм шәһәрнең яшел зоналарында ятканнарын шәһәр муниципаль оешмалары җыячак. Резинаны тапшырасы килгән предприятиеләр һәм юридик затлардан аны бушлай кабул итәчәкләр.