17нче каттан егылып төшкән яшүсмер туганы янына килгән булган

Чаллыда кичә 65 комплекстагы йортларның берсеннән яшүсмернең егылып төшүе хакында хәбәр иткән идек инде. Әлеге очрак буенча өстәмә мәгълүмат билгеле булды. 52нче бистәдә яшәгән 13 яшьлек  кыз бирегә туганы янына килгән була. Тик ул өйдә булмый. Телефон аша аның белән элемтәгә кергәч, подъезд эчендә көтеп торырга уйлый. 

Кичке 17:00 сәгатьтә исә аның мәетенә тап булалар. Хәзерге вакытта Чаллы тикшерү комитеты әлеге фаҗиганең сәбәпләрен ачыклый. 
Кызның яхшы гаиләдән булы мәгълүм, укуында да проблемалары булмаган. Ул йортның 17 катыннан егылып төшкән.