Шəhри Чаллы

Актаныш мәктәбендә укучы 16 баланы берьюлы хастаханәгә салганнар

Татарстан Сәламәтлек саклау министрлыгында балаларга тиешле ярдәм күрсәтелә дип сөйләделәр.

Татарстанның Актаныш районы хастаханәсенә мәктәптә укучы 16 баланы берьюлы салганнар. Бу турыда «Татар-информ» агентлыгына райондагы үз чыганагы хәбәр итте.

Чыганак сүзләренчә, укучылар агуланганнар яки эчәклек гриппы йоктырганнар.

Татарстан Сәламәтлек саклау министрлыгында «Татар-информ»га Актаныш Үзәк район хастаханәсе табиблары балаларга кирәкле квалификацияле ярдәм күрсәтәләр һәм тикшерү үткәрәләр, дип сөйләделәр.

«Актаныш Үзәк район хастаханәсендә, пациентлар күпләп килгәндә, ярдәм итү өчен кирәкле ресурслар бар. Медицина анализлары алганнар һәм лабораториягә җибәргәннәр. Анализ нәтиҗәләре якын арада әзер булачак», – дип билгеләп үттеләр министрлыкта.

Бу хәлнең сәбәпләре ачыклана.

 https://tatar-inform.tatar/news/2018/09/06/171035/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: