Алабуга кызы әтисенә һәм солдатларга багышлап җыр язган

Рәйнә Сабирова - Алабуганың сәнгать культурасы көллияте студенты. Әтисе Альфред Сабиров хәрби операциядә. Татарстанның “Алга” батальонында хезмәт итә. Күптән түгел ул әтисенең туган көненә багышлап “Алга Тимер” исемле җыр иҗат иткән. 

“Максатыма ирешү өчен бер ай кирәк булды. Җыр язу, чыгару үзе бер зур эш. Дулкынландыргыч. Ләкин шул ук вакытта аның өстендә эшләү кызык иде. Бу җырны әйдәп баручы – әтием Альфред Сабиров. Ул ярдәмчем минем, терәгем, җанымның бер өлеше, барысы да. Әгәр дә ул булмаса, мондый җитди адым ясарга икеләнер идем”, - ди җыр авторы.

Рәйнә Сабированың әтисе әлеге җыр Татарстан батальоны гимнына әйләнәчәген әйткән.