Балалар зыян күрә
Быелның беренче 5 көнендә генә дә балалар катнашы белән 9 юл һәлакәте теркәлгән һәм аларда 12 бала пассажир зыян күргән.
Балалар зыян күрә
2020 елда Татарстан юлларында юл һәлакәтләрендә 9 бала һәлак булган. 8 очракта машина йөртүчеләр юл йөрү кагыйдәләрен бозу ачыкланган. Быел да зыян күрүчеләр артканнан арта бара...
Быелның беренче 5 көнендә генә дә балалар катнашы белән 9 юл һәлакәте теркәлгән һәм аларда 12 бала пассажир зыян күргән.
5 гыйнвар көнне Чистай-Аксубай- Нурлат юлында килеп чыккан һәлакәттә 8 яшьлек кыз бала зыян күргән. Ул машинаның арткы утыргычында утырган һәм гадәти саклык каешы белән генә эләктерелгән булган.
Юл йөрү кагыйдәләре буенча,7-11 яшьлек балаларны машинаның арткы утыргычында шул рәвешле утыртып йөрергә рөхсәт. Әмма аларның куркынычсызлыгын тәэмин итү максатыннан, 12 яшькә кадәр махсус җайланма куллану киңәш ителә.
Шулай ук 5 гыйнвар көнне Казан- Шәмәрдән юлында “Рено” машинасы кюветка төшеп китә. Машинада 2014 елгы һәм 2020 елгы балалар була. Дөрес сайланган махсус җайланмалар булганга гына аларга зыян килми.
Следите за самым важным и интересным в Telegram-каналеТатмедиа
Нет комментариев