Салкын фатирларга җылылык бирелде

Кичә Автозавод һәм Тынычлык проспекты киселешендә, «Октябрьское» сәүдә үзәге янында җылылык үткәргечтәге ярык нәтиҗәсендә ике мәктәп, бер балалар бакчасы, өч шифаханә, биш административ бина һәм 24 күп фатирлы йорт җылысыз калды. Барлыгы 11446 кеше, шул исәптән  400  бала салкын фатирларда утырды. «Яр Чаллы җылылык челтәрләре» предприятиесе хезмәткәрләре 21 сәгать 55 минутта эретеп ябыштыру эшләрен тәмамладылар. 23 сәгать 55 минутта барлык объектларга җылы бирелде.

ФОТО: ТР Гадәттән тыш хәлләр министрлыгыннан алынды.