Чаллы китапханәсендә - «Әкияти Яңа ел тылсымы»

Чаллының 15нче китапханәсендә физик мөмкинлекләре чикле балалар өчен «Әкияти Яңа ел тылсымы» дип аталган күркәм бәйрәм оештырылды. Кунаклар Яңа елны бүтән илләрдә каршы алу йолалары белән танышты. «Ә сез моңа ышанасызмы?» уенында, «Яңа ел йолалары», «Әкиятләр эзеннән» викториналарында катнаштылар. Яңа ел турында табышмаклар да чиштеләр. Бәйрәм бик җылы һәм дустанә мохиттә узды. Балаларның һәркайсына Яңа ел бүләге тапшырдылар. Кунаклар якынлашып килүче бәйрәмнең рухын тоеп, кутәренке кәеф белән таралышты.

Анастасия Уршуляк, 15нче санлы филиалның китапханәчесе