Чаллы хастаханәсендә төшерелгән фотолар шаккаттырды

Чаллының балалар медицина үзәге фотографы Диляра Эстрина «Табиблар эштә» бөтенроссия фото бәйгесендә җиңде.

Диляра Россия сәламәтлек саклау министрлыгының матбугат хезмәте уздырган фотобәйгегә фотолар җибәргән булган. Аның хезмәтләре «Тере эмоцияләр» номинациясендә югары бәяләнгән. 

Диляра балалар медицина үзәгендә фотограф булып эшли. 2018 елдан бирле яңа туган сабыйларның әниләре белән очрашу мизгелләрен фото һәм видеога төшерә. 
Диляра Эстринаның хезмәтләре «Милли проектлар –Татарстан 2021» республика бәйгесендә җиңгән иде.

Фотоларыннан төзелгән күргәзмә Танталар сараенда һәм шәһәрнең сәламәтек саклау учреждениләрендә оештырылды.