Чаллы спортчылары тимераякта узышу буенча җиңү яулады

Шушы көннәрдә Түбән Новгород шәһәрендә тимераякта узышу буенча буенча беренчелек үтте. Ул Идел буе федераль округы буенча оештырылды. Чарада Россиянең 9 регионыннан 200дән артык спортчы көч сынашты. Анда 14-15 һәм 16-17 яшьлек яшүсмерләр катнашты.

Мәртәбәле ярышларда Чаллының "Виктория" спорт мәктәбендә шөгыльләнүче спортчылар да җиңүгә иреште. Виктория Потураева (тренеры Розалия Шагапова) исә өч алтын, бер көмеш һәм ике бронза медаль яулады. Моннан тыш Виктория дөнья чемпионкасы Наталья Дворникованың (Воронина) да махсус призына лаек булды. Әйтергә кирәк әлеге призны озын дистанцияне узучы спортчыларга гына бирәләр, дип хәбәр итә "Виктория" спорт комплексы директоры Руслан Шәфыйков.