Чаллы табиблары 3 көн бала гомере өчен көрәште

Чаллының йогышлы авырулар хастаханәсендә могҗиза булды дисәң ялгыш булмас. Табиблар 9 яшьлек малай гомерен саклап калуга иреште. Ул Әгерҗе шәһәреннән авыр хәлдә китерелгән була. Хәлсез, хәрәкәт итә алмый башлый. Хәтта сөйләме дә начарлана. Аеруча баш авыртуына зарлана бала. Температурасы төшми, еш коса.

Табилар менингит, ягъни баш мие һәм умыртка баганасы кабыкларының ялкынсынуы диагнозын куя. Өч көн буе алар аның гомере өчен көрәшә. Тернәкләнүгә  өчен дә 2 атналап вакыт кирәк була. Хәзер баланың хәле уңай. Аны әнисе белән өенә кайтарганнар.