Чаллы хәрбиенә - дәүләт бүләге

Шәһәрдәшебез Илдар Зариповның хәрби эшчәнлегендә шатлыклы вакыйга булган. Ул Россия Президенты Владимир Путин Указы нигезендә Суворов медале белән бүләкләнгән. 

Ул махсус хәрби операция зонасындагы егетләргә ниләр кирәклеген белешергә баргач, үзе теләп шунда калган иде. 

 «Әти, Чаллыга кайтмыйм, мондагы дусларыма мин кирәгрәк», – дип шалтыратты. Без каршы килмәдек. Кирәк әйберләрен, киемнәрен җыеп җибәрдек. Бер елга контракт төзегән иде. Инде ике ел булды.  Ике тапкыр ялга кайтты. Сөйгәне белән никах та укыттык. Улым контракт төзүенә үкенми. Аллаһка шөкер, кәефе күтәренке, – ди  хәрбинең әтисе, эшмәкәр, егетләргә даими гуманитар йөк илтүче  Фәрит Зарипов.