Чаллыда 500 сум өчен кеше үтерделәр

Чаллының Элеватор тавы посёлогында яшәүче 37 яшьлек ир-атны кулга алдылар. Ул кеше кыйнап үтерүдә гаепләнә.

Фаҗига 20нче августта Элеватор тавы посёлогында була. Ир-ат печән бушатырга 3 кеше яллый. Берсе эштән бүленеп, өйгә ял итәргә керә. Шул вакытта хуҗа  500 сум акчасын югалганлыгын сизеп кала һәм шул ир-атка сылтый. Аны бита белән кыйнап, ишегалдыннан куып чыгара. Зыян күргән 43 яшьлек эшче өенә кайтып җитә алмый. 21нче август иртәсендә йортыннан ерак түгел урында аның мәетенә тап булалар. Тикшерү барышында, ир-атның кабыргалары, куллары сынганлыгы һәм башы нык җәрәхәтләнгәнлеге ачыклана. 

Кеше үтерүдә гаепләнүче ир-ат сак астында. Җинаять эше кузгатылды. Хәзерге вакытта фаҗига сәбәпләре ачыклана.