Чаллыда азартлы уен салоны оештыручы егетләрне тоттылар

Чаллыда азартлы уен салоны оештыручылар эзенә чыктылар. Алар Хәсән Туфан проспектындагы бинада урнашалар. Егетләрнең берсе бизнес өчен кирәк-яраклар - 32 монитор, шуның кадәр үк система блоклары һәм 10 уен автоматлары - сатып ала. Икенчесе администратор ролен үти. Тик эшләре озак дәвам итми. Май аенда аларны кулга алалар. Әлеге факт буенча җинаять эше кузгатылды. Тикшерү нәтиҗәләре белән документлар Чаллы судына җибәрелде, дип хәбәр итә ТР Тикшерү комитетының матбугат хезмәте.

Фото freepik.com сайтыннан алынды