Чаллыда бер җитәкчене хөкем итәчәкләр

Чаллыда “Агат” сәүдә йортының ремонт һәм төзелеш бүлегенең 56 яшьлек җитәкчесе хөкем ителәчәк. Ул подряд оешмага мөрәҗәгать итмичә, тәҗрибәсез эшчеләр яллый. ТР Тикшерү комитеты белдерүенчә, аларга 8 метр биеклектә вентиляция тишекләре ясарга куша. Куркынычсызлык чаралары күрелми. Эшчеләр ясалма металл корзинага басып эшлиләр. Корзинаны электропогрузчик күтәреп тора. Бер мәлне җайланма килеп төшә. Нәтиҗәдә, 55 яшьлек эшче һәлак була.
“Агат” сәүдә йортының ремонт һәм төзелеш бүлеге җитәкчесе төзелеш яки башка эшләрдә куркынычсызлык кагыйдәләрен бозу, саксызлык аркасында үлемгә китерү маддәсе буенча хөкем ителәчәк.