Чаллыда яңа прокурор

Бүген Татарстан прокуроры Илдус Нафиков хакимияттә Чаллы прокурорын тәкъдим итте.  Чаллы прокуроры итеп  Артур Абуталипов билгеләнде.

Артур Ринатович моңа кадәр Казанның Вахитов районы прокуратурасын җитәкләгән. Димитрий Ерпелевның Яшел Үзәнгә  китүе турында сүз чыккач та, Абуталиповны Чаллыга килергә мөмкин дигәннәр иде. 

Артур Ринатович Казанда туып-үскән. КФУның юридик факультетын тәмамлаган. 2002 елда Түбән Кама прокуроры урынбасары, 2003-2007 елларда Казан прокурорының төзәтү учреждениләрендә кануннарны үтәү буенча Казан прокурорының уң кулы булган. 2014-2018 елда Эчке эшләр министрлыгында, УФСКН бүлек башлыгы вазифасын башкарган.

2018 елның апреленнән башлап Казанның Вахитов районы прокуратурасын җитәкләгән.