Чаллыда контракт буенча хезмәт иткән хәрбине соңгы юлга озаттылар

Чаллыда контракт буенча махсус хәрби операциядә һәлак булган Андрей Урасинны соңгы юлга озаттылар. 
Ул Чаллыда туып-үскән, 43нче мәктәптә укыган. Сентябрь аенда контракт нигезендә хәрби хезмәткә алынган. Луганск Халык республикасында хәрби бурыч үтәгәндә һәлак булды. Андрей Урасин вафатыннан соң Батырлык ордены белән бүләкләнде. 

Хәрбине соңгы юлга озатуны шәһәр башкарма комитеты оештырды.   
«Шәһәр батыр улын соңгы юлга озата. Андрей Андреевич Ватан сагында һәлак булды, – диде башкарма комитет җитәкчесенең беренче урынбасары Илья Зуев. – Әти-әнисенә, гаиләсенә, якыннарына сабырлык телибез».

Фото шәһәр сайтыннан алынды