Чаллыда мэр чыршылары башланды

Чарага 373 бала килде. Бәйрәмнәр шәһәрнең төрле учреждениеләрендә уза, беренчесе «Мастеровые» рус драма театрында булды. 

Малайлар һәм кызлар «Буратино маҗаралары» дип исемләнгән яңа ел әкиятен карады. Чарада Чаллы хакиме Наил Мәһдиев катнашты. Тамаша алдыннан ул балаларны сәламләде һәм аларның казанышларын билгеләп үтте.

«Яңа ел алдыннан сезгә яхшы нәтиҗәләрегез өчен рәхмәт белдерәм. Сезнең белемнәр киләчәк тормышыгызда кирәк булачак. 2025 ел сезгә уңышлар гына алып килсен!» – диде ул. 

Яшь тамашачыларны Яңа ел чыршысы һәм аниматорлар каршы алды. Балаларга бүләкләр тапшырылды.