Чаллы ДНР һәм ЛНРдан килүче гражданнарны каршы алырга әзер

Әлеге объектларны башкарма комитет, Роспотребнадзор белгечләре, 3 һәм 4нче шифаханә табиблары тикшерде. Алар эвакуацияләнгән кешеләр белән эшләячәкләр. Килү белән Украина гражданнарына ПЦР-тест үтәргә кирәк булачак. Уңай күрсәтсә, авыруларны изоляторга урнаштырачаклар.

– Азык-төлек, су пробалары алынды, шулай ук туклануны оештыру һәм яшәү шартлары бәяләнде. Барлык пунктлар кешеләрне кабул итәргә әзер, – диде дүшәмбе киңәшмәсендә баш санитар табиб Илгизәр Бариев.

Украина гражданнарына 132 волонтер ярдәм итәчәк. «Орион» яшьләр үзәге директор урынбасары, шәһәрнең волонтерлар штабы җитәкчесе Анастасия Гайфуллина әйтүенчә, «Жемчужина» санаториенда эвакуацияләнгән кешеләрне 50 волонтер каршы алачак. «КАМАЗжилбыт»та 30 волонтер эшләячәк. Волонтерлар арасында аниматорлар, психологлар, медиклар да бар. Күченергә, урнашырга да волонтерлар  ярдәм итәчәк, – диде Анастасия Юрьевна.

Фото: kogalym.org