Чаллыда беренче тапкыр дрон фестивале уздырылачак

Монда моның өчен махсус мәйданчык - квадрокоптерларда узышлар өчен трасса бар. Ул паркны реконструкцияләгән вакытта пәйда булды.

Ярышларны әзерләү белән Drone team проекты шөгыльләнә.

- Без балаларны спорт квадрокоптерларында очарга өйрәтәбез. Проект бөтенләй бушлай. Хәзер Россия дрон-рейсингы федерациясе белән сөйләшүләр алып барыла, - дип сөйли Чаллы яшьләр парламенты вәкиле, проект авторы Дмитрий Колесников.

Drone team «Мәгънәләр территориясе» Бөтенроссия яшьләр проектлары конкурсында грант отты. Аны гамәлгә ашыруга 400 мең сум акча бүленеп бирелгән.