Чаллыда яшүсмернең автобустан егылып төшүе буенча прокуратура тикшерү башлаган

Социаль челтәрләрдә Чаллыда маршруткадан яшүсмернең егылып төшүе турында видео пәйда булды.

Егылып төшкәннән соң, егет сикереп тора да кача. Автобустан төшерелгән кадрларда берничә баланың машинаның арткы ишеген ачуы һәм арадан берсенең урамга сикерүе күренә.

Әлеге факт буенча Чаллы прокуратурасы тикшерү үткәрә.  Татарстан прокурорының өлкән ярдәмчесе Руслан Галиев сөйләвенчә, пассажирлар ташуны оештырганда иминлек таләпләрен үтәү тикшереләчәк.