Чаллыда юл хуҗалыгының иң яхшы хезмәткәрләрен бүләкләделәр

Тармак ветераннарын һәм хезмәткәрләрен һөнәри бәйрәмнәре белән мэр урынбасары Ирина Сәгыйдуллина котлады. Ул билгеләп үткәнчә, федераль үзәк, Татарстан Республикасы Хөкүмәте ярдәме белән Яр Чаллыда юлларны ремонтлауга, шулай ук яңа автотрассалар төзүгә зур игътибар бирелә.
«Ел саен без үзәк шәһәр проспектларының берсен, шулай ук сәнәгать зонасында юлларны ремонтлыйбыз. Быел безнең төзүчеләр, аларга зур рәхмәт, Шамил Усманов урамы участогын ремонтлауны вакытыннан алда төгәлләделәр.
Яр Чаллы инде җиденче ел рәттән «Имин сыйфатлы юллар» программасында катнаша. Бу вакыт эчендә шәһәр эчендә һәм сәнәгать зонасында 100 километрдан артык юл норматив хәлгә китерелде.
Бу - вакытында һәм сыйфатлы итеп башкарылган эшләрнең бик зур өлеше. Бу бик җитди, җаваплы һәм физик яктан авыр эш. 5 меңнән артык кеше эшли торган уннан артык төзелеш һәм юл оешмалары ел саен еллык җитештерү планын үтәү өстендә эшлиләр», - диде Ирина Сәгыйдуллина һәм барлык машина йөртүчеләргә, юл хуҗалыгы хезмәткәрләренә эшләрендә уңышлар, нык сәламәтлек, гаилә иминлеге теләде.
Юл хуҗалыгы өлкәсендә иң яхшы хезмәткәрләргә бүләкләр тапшырылды.
Күпьеллык намуслы хезмәте һәм халыкка транспорт хезмәте күрсәтүне тәэмин итүгә зур өлеш кертүе өчен «Альтекс Компанияләр Төркеме» җаваплылыгы чикләнгән җәмгыятенең автобус йөртүчесе Роберт Хәйретдиновка Татарстан Республикасы Министрлар Кабинетының Рәхмәт хаты тапшырылды.
Татарстан Республикасының Транспорт һәм юл хуҗалыгы министрының Рәхмәт хаты белән «Автомобиль юллары предприятиесе» МУПның асфальт-бетончысы Николай Елисеев, «Автомобиль юллары предприятиесе»нең юл эшчесе Александр Петров бүләкләнде.  
Яр Чаллы шәһәре мэрының һәм Башкарма комитетның Рәхмәт хаты белән 19 шәһәрдәшебез билгеләп үтелде.

http://nabchelny.ru/