Ел рәссамын сайлыйлар

«Быел анда 113 рәссам үзенең хезмәтен тәкъдим итте. Экспозициягә 140тан артык сәнгать әсәре керде», – диде галерея хезмәткәре Әлфия Гарипова. Аның сүзләренә караганда, 6 номинация буенча җиңүчеләр билгеләнде. «Ел рәссамы – 2021» номинациясендә абсолют җиңүче рәсми рәвештә Мәдәният хезмәткәрләре көненә багышланган тантаналы чарада игълан ителәчәк. 
«Рәсем сәнгате» номинациясендә – Хәмзә Шәрипов, «Графика» номинациясендә – Лилия Сафина, «Декоратив-гамәли сәнгать» номинациясендә – Хәния Гәрәева, «Яңа исемнәр» номинациясендә – Мария Сухорукова, Гүзәл Исаева, «Халык сәнгате» номинациясендә  – Елена Ахтырская җиңде. «Яр Чаллы. Тарих һәм хәзерге заман» җиңүчесе итеп Ләйсән Исламгәрәева танылды. Аларга дипломнар тапшырылды. Картиналары галереянең фондын тулыландырачак.