Европаның иң югары ноктасыннан видеосәлам кабул иттек
Инстаграмдагы подписчикларыбыз Европаның иң югары ноктасыннан видеосәлам кабул итте. Чаллы егете, "J-get" клубы тренеры, альпинизм буенча спорт мастерына кандидат Айнур Гәрәев шушы көннәрдә Эльбрус тавына менгән.
Шәһәрдәшебез тауларны "буйсындыручы" төркемнең карлы сукмаклардан күтәрелгән мизгелләрен дә видеога төшергән. Интернет дусларыбыз постны яратып карады, репостлар ясады (башкалар белән бүлеште). Комментарийларда “Афәрин! Сокландыргыч сәлам!”, “Бертуган энем, бу максатыңа ирешүең белән котлыйм! Ышандык исән-имин барып җитүегезгә, хәзер инде көтәбез исән-сау Татарстан җиренә кайтуыгызны”, “Котлыйм! Исән-имин әйләнеп кайтырга насыйп булсын!”,- дип яздылар комментарийларда.
Следите за самым важным и интересным в Telegram-каналеТатмедиа
Нет комментариев