Иттә - антибиотик?

Башкорстанда «Рощинский»  сәүдә йортындагы туңдырылган дуңгыз итендә антибиотик тапканнар. Республиканың «Россельхознадзор» идарәсенең матбугат хезмәте хәбәр итүенчә, анализлар продукциядә окситетрациклин барлыгын күрсәткән. Бу канун бозу, чөнки продукциядә дару препаратлары булырга тиеш түгел. Белгечләр әйтүенчә, моның сәбәбе «Башкорт ит компаниясе» дуңгыз комплексыннан китерелгән хайваннар булуы мөмкин. Әлеге факт буенча ике предприятиегә карата административ эш кузгатылган.

Фото «Татар-информ»нан алынды