Г.Камал театры коллективына кайгы килде. Татарстанның халык артисты Хәлимә Искәндәрованың 43 яшьлек улы, «Иннополис» махсус икътисади зонасының элеккеге генераль директоры,  Ерак Көнчыгыш һәм Арктиканы үстерү корпорациясе генераль директоры Игорь Носов кинәт вафат булды. Ул инсультны җиңә алмаган.  Г.Камал исемендәге татар дәүләт Академия театры артистка гаиләсенең тирән кайгысын уртаклаша. Мәрхүмнең урыны җәннәттә булсын, якыннарына Аллаһы Тәгалә сабырлык, түземлек бирсен.

Зөлфия ГАЛИМ

Фото театр сайтыннан алынды.