«Күңел» радиосын Зәйдә дә тыңлый башладылар

Популяр "Күңел" радиосының Зәйдә яңа дулкыны эшли башлады. Аны бу якларда 88.00 FМ ешлыгында тыңларга була.

- Бу җитәкчеләребез "Татмедиа" тарафыннан радионың 25 еллыгына ясаган бүләге. Юбилей уңаеннан алар нәрсә бүләк итик дип сорагач, коллектив шунда ук "безгә яңа дулкын кирәк" диде. Мин моны җиткердем һәм менә бу атнада без яңа дулкынлы булдык. Зәй тамашачысы бик актив, без алар белән тандемда яшәрбез дип өметләнәм,"- ди радионың баш редакторы Лилия Мәхмүтова. 

Зәйләр белән якынрак танышу  өчен "Күңел"ләр аларга кунакка, чыршы ачылышына барачак. Күчтәнәчкә - концерт программасы әзерлиләр. 

Тагы да кызыклырак яңалыклар - "Шәһри Чаллы" газетасының Телеграмм каналында