«Куркынычсыз шәһәр»гә – 15,6 млн сум

Шәһәр Советының чираттагы сессиясендә бюджетка кергән өстәмә керемнәрдән «Куркынычсыз шәһәр» программасын гамәлгә ашыруга да өлеш чыгардылар. Бу максатка 15 млн 600 мең сум акча бүлеп бирелде. 

«Күп кенә резонаслы җинаятьләр шәһәр карамагындагы видеокамералардагы язмалар аша ачыла. «Куркынычсыз шәһәр» программасы буенча эшләрне дәвам итү зарур. Хәзер архив материалларын саклау буенча сервер мөмкинлекләрен арттырырга кирәк. Язмалар 12 көн генә түгел, 30 һәм аннан да күбрәк вакыт сакланырга, бу акчалар шушы эшкә тотылырга тиеш», – дип искәртте шәһәр мэры Наил Мәһдиев.