Наил Мәһдиев: «Ураза гаете һәр йортка шатлык алып килсен!»
Чаллы мэры Ураза гаете белән котлады.
Шәһәребез мөселманнарын чын күңелдән изге Рамазан ае тәмамлануы һәм якты Ураза бәйрәме белән котлыйм!
Бу мөбарәк бәйрәмебез изгелек һәм шәфкатьлелек, иман һәм рухи чистаруның бер билгесе булып тора. Һәр йортка ул шатлык, тынычлык һәм иминлек алып килсен.
Ураза гаете - гаилә кыйммәтләренең мөһимлеген, якыннарыбызны кайгыртуны һәм үзара ярдәмләшүне аеруча нык сиздерә торган вакыт. Бу бәйрәм безгә изгелек, гаделлек һәм шәфкатьлелек кебек кыйммәтләр турында тагын бер искә төшерсен.
Барыгызга да ныклы сәламәтлек, бәхет, иминлек һәм күңел тынычлыгы телим! Бу якты бәйрәм күңелләрегезне җылылык һәм шатлык белән тутырсын!
Следите за самым важным и интересным в Telegram-каналеТатмедиа
Нет комментариев