Наил Мәһдиев Бөек Ватан сугышы ветераннарын котлады

«Бүген, Бөек Ватан сугышында Җиңүнең 74 еллыгын бәйрәм итү алдыннан, кызганычка каршы, сугышта катнашучыларның бик азлары исән калды. Бу көннәрдә без фронтка киткәннәрне, әмма әйләнеп кайтмаганнарны искә алабыз. Алар яшәргә теләгән һәм хыялланган. Алар безнең Ватаныбызның иң яхшы уллары һәм кызлары иде. Үзләре теләүчеләрне сугышка 18 яшьтән үк алганнар. Кемдер хәтта фронтка эләгү өчен паспортында туган елын үзгәртеп күрсәткән. Безнең ата - бабаларыбыз шул дәрәҗәдә үз Ватаннарын яраткан. 9 Май - зур бәйрәм, әмма бу көн бик күп кайгыны, күз яшьләрен үз эченә ала. 27 миллион кешенең җирләнүе турында коточкыч мәгълүматлар китерелә. Яу кырында ятып калганнарны искә алу, онытмау - безнең бурычыбыз. Бу батырлыклар турында һәркайда сөйләнергә тиеш», - диде Наил Мәһдиев.
Ветераннарга рәхмәт сүзләрен сугыш ветераннары госпиталенең баш табибы Резедә Мәүҗүтова җиткерде. Ел саен учреждение стеналарында 35 меңгә якын кеше тернәкләнү һәм дәвалану ала. Узган ел учреждениедә капиталь ремонт ясалды.Бәйрәм кунаклары алдында яшь чаллылылар чыгыш ясады.
Чара ахырында ветераннарга истәлекле бүләкләр тапшырылды.
 

http://nabchelny.ru/news/36309