Чаллыда намаз укырга өйрәтәчәкләр

Иртәгә, 16 август көнне Чаллыда “Намаз уку җиңел ул!” проектының чираттагы курсы башлана. Анда тиз арада (5 дәрес эчендә) намаз укырга өйрәнергә мөмкин булачак.

Ир-атларның беренче дәресе иртәнге 9дан 12гә кадәр дәвам итәчәк. Мөгаллим – Мөхәммәт хәзрәт Мөхәммәтов. Чираттагы дәресләр 23, 30 августта, 6, 13 сентябрьдә үтә.

Хатын-кызларның беренче дәресе 30 август 13.00дә, чираттагылары – 6,13 август, 20, 27 сентябрьдә. Мөгаллимә – Равия Нургалиевна.

Укулар «Чаллы Яр» мәчетендә (Казан проспекты, 179) үтә. Бушлай. 

Белешмәләр өчен телефон  8 960 067 84 49

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).