Өч көндә Татарстанда һава торышы нинди булыр?

Бүген Татарстанда юеш кар көтелә. Татарстан Гидрометеорология үзәге фаразлавынча, шулай ук юлларда урыны белән бозлавык булуы ихтимал.

Көндез температура -1..+2 градуска кадәр булачак. Җилнең тизлеге секундына  6-11 метр тәшкил итәчәк, әмма урыны белән секундына 14 метр булуы ихтимал.

Якынча фаразлар буенча, шимбә, 16 ноябрьдә, республикада юеш кар явачак. Ә термометр баганалары көндез -1..+2 градуска кадәр күрсәтәчәк.

Якшәмбе, 17 ноябрьдә, Татарстанда температура 0..+4 градуска кадәр булачак, әмма тагын бераз кар һәм яңгыр явуы көтелә.