Шəhри Чаллы
  • Рус Тат
  • Рөстәм Миңнеханов “КАМАЗ” заводында коронавирусны профилактикалау чаралары белән танышты

    Татарстан Президенты Рөстәм Миңнеханов эш сәфәре белән КАМАЗ предприятиесенә барган. Биредә коронавирус инфекциясе таралуга каршы көрәш буенча оператив штабның утырышы узган. Бу турыда республика җитәкчесе матбугат хезмәте хәбәр итә.

    Татарстан Президенты предприятиегә килүгә эшчеләр белән аралашты һәм эш барышы белән кызыксынды.

    «100 процент эш бара, барысы да эшли!» — дип сөйләде предприятие хезмәткәрләре.

    «КАМАЗ» ГАҖ генераль директоры Сергей Когогин хәбәр иткәнчә, предприятиедә яңа вирусны тарату мөмкинлекләрен минимальләштерү өчен кирәкле медицина чаралары комплексы уздырылган. Чит илләрдән килгән хезмәткәрләр өчен 14 көнлек карантин кертелгән.

    Шулай ук Рөстәм Миңнехановка бүген фильтрлы битлекләр, саклагыч костюмнар, саклагыч күзлекләр, дезинфекция чаралары, һаваны дезинфекцияләү өчен приборлар, термометрия өчен, төркемле тепловизорлар (портатив һәм стационар) сатып алу эшләре алып барылуы турында сөйләделәр. Коронавирусны профилактикалау чаралары турында мәгълүмат бите эшләнде.

    Татарстан Президенты предприятие хезмәткәрләре белән аралашты һәм эш урыннарында профилактиканың ничек оештырылуы белән кызыксынды. Завод хезмәткәрләре көн саен предприятиедә температураны үлчиләр, душ, чишенү-чишенү бүлмәләре, ял зоналары эшкәртелә, дип хәбәр иттеләр. “Иң мөһиме-завод туктамасын. Эшләргә теләк бар”, – диде җыю цехы хезмәткәрләренең берсе.

    Рөстәм Миңнеханов үз чиратында «КАМАЗ» ның коронавирусны профилактикалау мәсьәләләрендәге уңай тәҗрибәсен билгеләп үтте, аны республиканың башка предприятиеләренә таратырга тәкъдим итте.

    Бүген иртән Рөстәм Миңнеханов «Алабуга» махсус икътисади зонасында медицина битлекләре тегү өчен кулланыла торган материаллар җитештерелә торган оешмада да булды.

     

     

     

    Чыганак: Ватаным Татарстан

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: