Шәһәр үзәгендә коточкыч авария

Бүген иртән Чаллыда коточкыч юл-транспорт һәлакәте булды. Бер машина Сөембикә һәм Вахитов проспектлары киселешендәге баганага бәрелгән. Аның йөртүчесе урында һәлак булган. Машинасы тимер-томыр өеменә әйләнгән.

Чаллы юл хәрәкәте иминлеге автоинспекциясе мәгълүматларына караганда, Lifan машинасы Вахитов проспектыннан Чулман проспектына чыккан. Якынча мәгълүматлар буенча ул тизлекне арттыру нәтиҗәсендә идарә итүне югалткан, нәтиҗәдә машина бордюр ташына,  аннары яктырту баганасына бәрелгән.

Машина йөртүче куркынычсызлык каешын эләктермәгән булган. Машинда балыктан кайтучы компания булуы да билгеле. Автомобиль йөртүченең руль артында йоклап китү ихтималы да бар. 

Фото: ГИБДДның пропаганда бүлегеннән алынды