Самокатта йөрүче Чаллы егетеннән акча түләттерәләр

Чаллы судында яшүсмер белән бәйле эш каралды. Җәй көне ул самокаты белән машина өстенә килеп менә. Автомобиль хуҗасы шикаять белән судка мөрәҗәгать итә. Тик ата-анасы улының гаебен танымый. Машина йөртүчегә видеокамералар ярдәмендә дәлилләргә туры килә. 

Суд яшүсмерне гаепле дип тапты. Аның гаиләсе 54 мең сум компенсация түләргә тиеш. Моннан тыш, эксперт хезмәте, дәүләт пошлинасы да алар хисабына булачак.