Сары кар зарарлы түгел

Социаль челтәрләрдә Чаллыда сары кар яуган дигән мәгълүмат таралаган иде. Татарстан Экология һәм табигать ресурслары министрлыгының Кама буе территориаль идарәсе инспекторлары әлеге карга анализ ясау өчен проба алган. 

Республиканың Гидрометеорология һәм әйләнә-тирә мохитне мониторинглау идарәсе, атмосфера һавасын тикшереп, мәгълүмат биреп торачак.   Гидрометеоүзәк сайтында басылган мәгълүматларга караганда, 21 ноябрьдә 13.00 сәгатьтән 22 ноябрь 7.00 сәгатькә кадәр Чаллыда һавага чыгарылган зарарлы матдәләр нормадан артмаган.