Сентябрьдә Россия пенсионерлары 10 мең сум алачак

Сентябрьдә пенсионерларга бер тапкыр 10 мең сум акча күчерәчәкләр. Тиешле указга Россия Президенты Владимир Путин кул куйды.
Документлар җыярга яки гариза бирергә кирәкми. Барлык кирәкле процедураларны Пенсия фонды үткәрәчәк.
Исегезгә төшерәбез, пенсионерларга 10 мең сум түләргә Владимир Путин "Бердәм Россия" партиясе вәкилләре белән очрашу вакытында тәкъдим итте. Шулай ук дәүләт башлыгы хәрби хезмәткәрләргә 2021 ел нәтиҗәләре буенча уртача 15 мең сум түләргә тәкъдим итте.

Фото: ВКонтакте