Синоптиклар кисәтә: «Өченче көн тоташ кар явачак»

Алдагы өч көндә Татарстан янә буран һөҗүменә дучар булачак. ТР Гидрометеорология һәм әйләнә-тирә мохитне күзәтү идарәсе башлыгы Сергей Захаров Гадәттән тыш хәлләр комиссиясе утырышында шулай дип белдерде.

«19 гыйнварда иртән һәм көндез кар явачак, урыны белән буран чыгачак. Һава температурасы -1..-6 градус тәшкил итәчәк. 20 гыйнварда исә җепшек кар көтелә, җилнең тизлеге секундына 20 метрга кадәр җитәр дип фаразалана. Төнлә шулай ук -1..-6 градус салкын булачак. 21 гыйнварда да төнлә янә җепшек кар, буран көтелә, һава температурасы көндез һәм төнлә -2..-7 градус тәшкил итәчәк. Шул рәвешле 19-21 гыйнварда айлык норманың 60 проценты күләмендә явым-төшем күзәтеләчәк», - дип белдерде белгеч. 

Чаллыда исә бу көннәрдә һава торышы -1...-3 градусны тәшкил итәчәк.