Танылган музыкант вафат

Чаллыда талантлы музыкант Александр Колигер озакка сузылган каты авырудан 75 яшендә вафат булды.

Ул – шәһәребездә «Модус» джаз клубын оештырган кеше. Чаллыда АКШ, Дания, Австрия һәм башка илләрдән артистлар һәм музыкантлар чакырып 1000нән артык концерт куйган.

«Алесандр  Колигер – профессионал музыкант, педагог, тенор, аранжировщик, данлыклы джаз остасы иде. «Энергетик»  мәдәният сараенда эстрада оркестрын җитәкләде. Башкортостанда туып, Чаллыда мәдәнияткә хезмәт итеп, Татарстанның атказанган артисты исеменә лаек булды. Урыны җәннәттә булсын», – ди Татарстанның атказанган мәдәният хезмәткәре Гөлзада Рзаева. 

Александр Колигер Чаллыдан киткәч, Мәскәү янында, Мәскәүдә, соңгы вакытта Сочи янындагы Лоо бистәсендә яшәгән.