Татар блогеры Танзаниягә китте

Күренекле татар блогеры Рөстәм Нәбиев Африкага китте. Ул бу хакта социаль челтәрләрдә үзе хәбәр итте. «Дуслар, континентның иң югары ноктасына Килиманджаро вулканына (5895 метр) менү өчен Танзаниягә китәм», – диде ул. 
Танылган милләтәшебез 30 ноябрьдә катлаулы сәфәргә китте. Максатына ирешеп, исән сау әйләнеп кайтсын. 
Сүз уңаеннан, ул моңа кадәр куллары белән, Эльбрус тавының ике югары ноктасын һәм  Манаслу биеклеген яулады. 

Фото социаль челтәрдән алынды.