Төрмәдән чыккан ир-ат тагын ирегеннән мәхрүм ителәчәк

38 яшьлек ир-ат 62нче комплекстагы кибеттән духи урлап, ишеккә таба юнәлә. Моны күргән сатучылар аны туктатырга тырыша, әмма ул качарга өлгерә. Кибет хезмәткәрләре хокук сакчыларына мөрәҗәгать итә. Ир-атны кулга алалар. Аның берничә тапкыр хөкем ителгәнлеге һәм күптән түгел төрмәдән чыкканлыгы билгеле. Аңа карата "урлау" маддәсе буенча җинаять эше кузгатылды. Урланган духидан "җилләр искән". Ул аны сатырга өлгергән.