ТР мөфтие мәчетләрне дезинфекцияләү өчен спирт кулланырга рөхсәт итте

Татарстан Республикасы мәчетләрендә коронавирус инфекциясе таралган чорда дин тотучыларның иминлеген тәэмин итү өчен спиртлы дезинфекция чаралары куллану рөхсәт ителә. Бу хакта «Татар-информ» мәгълүмат агентлыгына ТР мөфтие урынбасары Илфар хәзрәт Хәсәнов сөйләде.

«Татарстан мәчетләрен составында спирт булган сыекчалар белән дезинфекциялибез. Аларны куллану мөмкинлеге турында дәлилләрне Татарстан мөфтие Камил хәзрәт Сәмигуллин үз фәтвасында китерде", - дип сөйләде Хәсәнов.

Фото: Рамил Гали

Чыганак: Татар-информ